|
A chairde Beidh Club an Bhéil Bhinn ar siúl an mhí Iúil seo gach Déardaoin san Ionad Seoltóireachta i mBré. Tá liosta thíos dos na haíonna a bheas linn. Idir file atá ag cothú an-suim i gciorcail na Gaeilge le déanaí, amhránaí, agus ceoltóirí, tá meascán fíor-spéisiúil d'aíonna againn an mhí seo romhainn. Tá súil againn go mbeidh ard-mí siamsaíochta sa chlub againn roimh bhriseadh an tsamhraidh. Ar ndóigh beidh ceoltóirí óga Bhrí Chualann linn gach oíche mar is gnách chun cur leis an ócáid. Mar sin bígí linn do chuid dos na hoícheanta seo sa Bhéal Binn, An tIonad Seoltóireachta, Bré. Iúil 3ú - Saileog Ní CheannabháinCailín óg a tógadh idir Bhleá Cliath agus Conamara is ea Saileog agus tá stíl cheantar Chonamara go paiteanta ina glór. Fuar Saileog ana-chuid dá hamhránaíocht óna hAthair, Peadar Ó Ceannabháin. Is fidléir ana-mhaith í Saileog chomh maith. Is as Baile Átha Buí i gContae na Mí, taobh le Rath Cairn, í an bhean óg seo ó dhúchas. Tá Éilís cloiste go minic agamsa thar na blianta agus caithfidh mé rá go bhfuil guth aoibhinn binn aici. Tá an-aitheantas faighte aici mar amhránaí, agus duaiseanna buaite aici i ngach comórtas dá bhfuil ann d'amhránaí ar an tsean-nós. D'iarr mise ar Éilís cuir síos ar a cuid amhránaíochta dúinn. Seo mar a dúirt sí ina cuid focal féin: “Rugadh agus tógadh mé i Ráth Cairn agus is ann a d'fhoghlaim mé mo shean-nós ó Mhairéad Ní Cheallaigh agus Éamón Ó Donnchadha agus is dóigh gur thug mé liom cuid den sean-nós chomh maith ó mo sheanmháthair Mary Tom Mháirtín, as Camas ó dhúchais. Thar an dhá bhliain déag atá mé ag casadh sean-nóis tá neart comórtais déanta agam agus cúpla duais buaite agam faoi aois ó Féile na Mí, Fleadh na hÉireann agus an t-Oireachtas agus thar aois tá Corn Mháire Mhic Dhonnchadha buaite agam, dara háit i gComórtas na mBan agus ár ndóigh bhí deis agam páirt a ghlacadh sa cheann mór – Corn Uí Riada anuraidh! Brú mór!! Le cúpla bliain anuas fuair mé neart deiseanna ó thaobh cúrsaí teilifíse agus raidió de maidir leis an sean-nós, ina measc tá Géantraí, Abair Amhráin, Céilí House agus The Youth of Bloom déanta agam.“ Déanfaidh Éilís an ceardlann amhránaíocht linn roimh ré ag a 8 i.n., áit a mhúinfidh sí Úna Bhán, ceann dos na hamhrán is fearr léi féin. Seinneann agus múineann an bhean seo, a tógadh i mBleá Cliath, an chláirseach. Rinne Helen staidéir ar cheol traidisiúnta agus clasaiceach ar an chláirseach. Tá sí ina scoláire taighdeach Ad Astra i gColáiste Ollscoile Átha Cliath, áit a bhfuil sí ag déanamh PhD faoi láthair ar cheol Cruit comhaimseartha na hÉireann. Tá Máistreacht i Musicology faighte aici cheana féin ó Choláiste Ollscoile Átha Cliath (sa bhliain 2005) agus múineann sí ceol dúchasach i UCD agus i DIT Rath Maoinis. Tá Helen tar éis taisteal san Eoraip agus i Meiriceá mar cheoltóir an cláirsigh agus mhúin sí sa bhFéile Gaelic Roots i Coláiste Boston. In éineacht le Poetry Ireland tá an Béal Binn ag cur Domhnall Mac Síthigh, File ó Chorca Dhuibhne, i láthair ar an Déardaoin an 24ú lá de mhí Iúil. Is file agus scéalaí é Domhnall a sheol leabhar agus Dlúthcheirnín le déanaí in éineacht le Breandán Ó Beaglaoich. Is scéalaí nádúrtha é agus beidh sé ag insint cuid dá scéalta dúinn agus ag léamh roinnt dá chuid filíochta. Ina fhocail féin: “Is file, feirmeoir, fear fionnachtain agus údar é Danny/Domhnall Mac Síthigh a rugadh agus a tógadh i gCorca Dhuibhne agus is ann a mhaireann sé. An Ghaeilge a chéadteanga agus tá an Béarla ar a thoil aige chomh maith. Is iomaí turas farraige i bhfad is i gcéin atá déanta aige i mbáid traidisiúnta agus tá an-eolas aige ar chóstaí Chorca Dhuibhne.“ Faoina áit chónaithe deireann sé: “Sí Corca Dhuibhne an leithinis is faide siar san Eoraip. Tá sí ar imeall na hEorpa agus amach óna cósta tá oileáin na mBlascaod. Tá radharcanna mealltacha ar fud na leithinse, tránna geala, sléibhte loma, gleannta glasa agus failltreacha arda atá á síor-chreimeadh ag na farraigí thíos fúthu... is rogha áite é ag lucht ealaíon ar mhian leo dul i ngleic leis an dúshlán gabháil a dhéanamh ar fharraige, dreach tíre agus an solas a athraíonn orthu agus eatarthu.“ Cailín óg as Béal Feirste is ea í Róise Ní Chorraidh. Canann Róise i stíl Uladh agus seinneann sí an bosca ceol. |
