Déanfaidh mé teach mór do mo sheanbhean bhocht
Déanfaidh mé teach mór do mo sheanbhean bhocht
Déanfaidh mé teach mór is ceannóidh mé bó di
Ach b'fhearr liom buachaill óg a deir a' tseanbhean bhocht

Ar chuala sibh nó an bhfaca sibh mo sheanbhean bhocht
Ar chuala sibh nó an bhfaca sibh mo sheanbhean bhocht
Chonaic muid ar a' mhargadh í 's í ag cuntas a cuid airgid
Is buachaill as na Cealla 'bhaint dealg as a cois

Cad é do ghnóithe ag geabaíneacht a sheanbhean bhocht
Cad é do ghnóithe ag geabaíneacht a sheanbhean bhocht
Cad é do ghnóithe ag geabaíneacht 's gan fiacal i do chab agat
Ó go dtógfaidh an rí an t-eallach uaim a sheanbhean bhocht

Is trua gan tú sa mhuileann agam a sheanbhean bhocht
Is trua gan tú sa mhuileann agam a sheanbhean bhocht
Is trua gan tú sa mhuileann agam 's do dhroim le sac na mine agam
Nár dheas a toirtín muilleora a dhéanfadh an tseanbhean bhocht

Is trua gan tú sa bhád agam a sheanbhean bhocht
Is trua gan tú sa bhád agam a sheanbhean bhocht
Is trua gan tú sa bhád agam 's do dhá chois in airde agam
Nár dheas na maidí rámha a dhéanfadh an tseanbhean bhocht

Is trua gan tú sa chéarta agam a sheanbhean bhocht
Is trua gan tú sa chéarta agam a sheanbhean bhocht
Is trua gan tú sa chéarta agam is cruitheacha ar so shál agam
Nár dheas a' capall rasa a dhéanfadh an tseanbhean bhocht