Thug Lorcán MacMathúna ceardlann ar an amhrán seo ar an 10ú Aibreán 2008.

A Pheadair a aspail an bhfaca tú mo ghrá bhán?
Ochón is ochón ó
Chonaic mé ar barr é is é dhá chéasadh in airde
Ochón agus ochón ó

Cé hé an fear breá sin ar chrann na páise?
Ochón is ochón ó
An é nach n-aithníonn tú do mhac a mháithrín?
Ochón agus ochón ó

An é sin an maicín a diompair mé trí ráithe?
Ochón is ochón ó
Nó an é sin an maicín a rugadh in san stábla?
Ochón agus ochón ó

An é sin an maicín a hoileadh in ucht Mháire?
Ochón is ochón ó
A mhicín mhuirneach tá do bhéal is do chróinín geartha
Ochón agus ochón ó

Agus crocadh suas í ar ghuaillní arda
Ochón is ochón ó
Agus cathadh anuas í ar leacrachaí na sráide
Ochón agus ochón ó

Ó buailigí mé féin ach ná bainí le mo mhaithrín
Ochón is ochón ó
Ó maróidh muid thú féin agus buailfidh muid do mháithrín
Ochón agus ochón ó

Agus cuireadh táirní maola thrína chosa 's thrína lámha
Ochón is ochón ó
Agus cuireadh an tsleá thrína bhrollach álainn
Ochón agus ochón ó

Gaibhaigí a dhá Mhuire go gcaoinfidh muid mo ghrá geal
Ochón is ochón ó
Céard tá le caoineadh a'inn, muna gcaoinfidh muid a chnámha
Ochón agus ochón ó

Ó éist a mháthair agus ná bí cráite
Ochón is ochón ó
Tá na mná mo chaointe le breith fós a mháithrín
Ochón agus ochón ó

Is a bhean atá ag gol de bharr mo bháise
Ochón is ochón ó
Beidh na céadta inniu i ngairdín phárrthais
Ochón agus ochón ó

Leagan le Iarla Ó Lionáird 

Leagan le Joe John Mac Con Iomaire