Thug Lorcán MacMathúna ceardlann ar an amhrán seo ar an 29ú Bealtaine agus arís ar an 17ú Iúil 2008

Is a spailpín aerach tréitheach mise
Is bígí ag soláthair mná dhom
Mar chraithfinn an síol faoi dhó san Earrach
In éadan taltaí bána
Mar chraithfinnan síol faoi dhó san Earrach
In éadan taltaí bána
Mo láimh ar a gcéacht i ndiaidh na gcapall
Is go réabfainnse cnoic le fána

Ó's mo chuig chéad slán leat a dhúithe m'athar
Is go deo deo don oileán grámhar
Don scata fear óg atá 'mo dhiaidh ag baile
Nár chlois orm in am an gháthair
Tá Bleá Cliath dóite is tóigfear Gaillimh
Beidh lasadh a'inne ar thinnte cnámha
Beidh fíon agus beoir ar bord ag m'athair
Sin cabhair ag an Spailpín Fánach

Is an chéad lá in Éirinn dár liostáil mise
Ó bhí mé súgach sásta
'San darna lá dár liostáil mise
Ó bhí mé buartha cráite
Ach an triú lá dár liostáil mise
Thiúrfainn chúig céad punt ar a fhagáil
Ach 'á dtugainn sinn is an oireadh eile
Ní raibh mo 'phass' le fáil a'm

Agus bhí mise lá breá ar mhargadh Chill Channaigh
Agus tháinig sé go trom ag báisteach
Is tharraing mé isteach is chuir mé cúl le balla
Agus thosaigh mé ag glaoch na gcárta
Mar ghlaodh isteach orm bean 'a leanna
Ag súil is go nólfainn ma phaighe
Is deamhan deor dár glaodh as sin go maidin
Nach raibh síos in aghaidh an Spailpín Fánach

Agus bhí mise lá breá thíos in nGaillimh
Is bhí an abhainn ag góil le fána
Bhí an breac is an eascainn is an beartín slat ann
Is chuile ní dhá bhreáchtha
Is bhí mná óga ann go múinte tóighte
Siad a bhí tanaí tláith deas
Ach deamhan bean óg dhá suidhfinn-se leí
Nach guirfinnse an dubh ar an mbán di

Agus b'fhuide liomsa lá bhéinn i dteach gan charaid
Ná bliain mhór fhada is ráither
Mar is buachaillín aerach súgach meanmnach
A bhréagfadh an bhruinneall mhánla
Dhá bhean déag a bhí ag éad is ag iomadh liom
Ag súil le tairbhe mo láí
Is gurb é paidir na caillí nuair a théinse thar an táirseach
Ná, "Behave yourself a Spailpín Fánach."