Thug Róisin Elsafty ceardlann ar an amhrán seo ar an 31ú Bealtaine 2007.
Is a Dhónail óig má théann tú thar farraige
Tabhair mé fhéin leat ‘s na déan do dhearmad
Beidh agat féirín lá aonaigh nó margaidh
Is iníon Rí Éirinn mar a chéile ban ‘ad
Gheallais dhomsa ó ach a d’inis tú bréaga
Go mbeifeá romham ag cnó na gcaorach
Lig mé fead agus dhá chéad béic ort
Ach ni bhfuair mé ann romham ach na huain ag méileach
Thug mé grá dhuit is mé beag bídeach
Chuir mé barr air is mé mór millteach
Niorbh é sin an grá a thug an tuan don chaora
Ach an grá buan daingean nach a féidir a scaoileadh
Siúd é an Domhnach ar a thug mé grá dhuit
An Domhnach díreach roimh a Domhnach Cásca
Is mé ar mo ghlúine ós comhair Rí na nGrásta
Is mo dhá shúil ag síor tabhairt grá dhuit
Fuaireas póigín ó ní ó chlaidhbhaire é
‘S an dara póigín ar a bharr na staighre
‘S an triú póigín ar a dhul i mo luí dhom
Is murach an phóg sin, bheinnse fós i mo mhaighdean
Chuir tú amach mé is bhí an oíche ag báisteach
Fuair mé titim mór sios le fána
Ni dhúirt tú Dia Linn is a bhí tú i láthair
Is maith a bhí ‘s ‘am an uair úd sin go raibh fuath ag mo ghrá dhom
Bhain tú soir is a bhain tú siar dhíom
Bhain tú romham is a bhain tú mo dhiaidh dhíom
Bhain tú an Ghealach ‘s bhain tú an Ghrian dhíom
Ach is ró-mhór é m’eagla gur a bhain tú Dia dhíom.
|
Amhráin 
